Catechismus ~ Prūsiskai ~ II

1. Staey dessimpts Pallapsaey.
2. Pirmois.
3. Tou ni tur kittans deiwans tur-
4. ryetwey.
5. Anters.
6. Tou ni tur sten emnen twayse dey-
7. was nienbaenden westwey.
8. Tirtis.
9. Tou tur stan lankinan deynan
10. swyntintwey.
11. Ketwirtz.
12. Tou tur twayien thawan bhae
13. mutien smunintwey.
14. Pyienkts.
15. Tou ni tur gallintwey.
16. Vsts.
17. Tou ni tur salobisquan limtwey.
18. Septmas.
19. Tou ni tur ranktwey.
20. Asmus.
21. Tou ni tur reddi weydikausnan
22. waytiaton preyken twayien tau-
23. wyschen.

1. Newyntz.
2. Tou ni tur pallapsitwey twaysis
3. tauwyschis butten.
4. Dessympts.
5. Tou ni tur pallapsitwey twaysis tau-
6. wyschies, gennan, waykan, merg-
7. wan, pecku, adder katanaessen hest.

8. Stan Druwin.
9. ES drowy en Deywan, Thawan
10. wissemokin, kas est tykynnons daen-
11. gon bhe semmien. Bhae en Jesum
12. Christum swaien aynen Sounon
13. nouson reykyen, Kas pagauts aest
14. haese swyntan naseylien. Gemmons
15. aesestan jungprawan Marian.
16. Styienuns po Pontio Pylato,
17. skresitzt, aulauns bhe enquoptzt.
18. Semmay lysons prey pykullien,
19. An tirtien deynan etskyuns haese

1. gallans. Vnsei gubons nadengon.
2. Syndens preytickaray deywas
3. wyssen mukis thawas, Stwendau
4. wirst pergubons leygenton staens
5. geywans bhe aulaunsins.
6. Es drowy en swyntan naseylien,
7. Aynan swyntan krichstianisquan
8. kirken, Perronisquan swyntan,
9. Etwerpsennian griquan,
10. Etskysnan menses, Bhe pra-
11. busquan geywien, Amen.

12. Stan Thawe nouson.
13. THawe nouson kas thou aesse aen-
14. dengon, Swyntits wirse tways
15. emmens, Pareysey noumans tway-
16. ia ryeky, Tways quaits audaseysin
17. nasemmiey kay endengan, Nouson

1. deyninan geytiey days noumans
2. schian deynan. Bhae etwerpeis
3. noumans nouson anschautins,
4. kay mes etwerpymay nouson an-
5. schautinekamans. Bhae ni wedeys
6. mans enperbandasnan. Slait is-
7. rankeis mans aesse wargan.
8. Emmen.

9. Assae stan Crixtisnan.
10. Nouson rykyes Jsus Chricstus
11. byla prey swayiens maldaysins,
12. Jeiti en wyssan swytan, mukineyti
13. wyssens poganens, bhae Crixtidi-
14. diens en emnen Thawas, bhae sou-
15. nons, bhae swyntas naseylis, Kas
16. druwe bhae crixteits wirst, stes
17. wirst deywuts, kas nidruwe, stes
18. wirst preclantyts.

1. Assa Sacramenten
2. bytis ydi.
3. Nouson reykeis Jsus Chricstus
4. anstan naktin kaden proweladin,
5. ymmeits sten geytien, dinkautzt bhe
6. lymuczt, bhe dayts swaymans
7. maldaysimans, bhe bylaczt, ymayti
8. stwen, bhe ydieyti, stae aest mays ker-
9. mens, kas perwans daeczt wirst,
10. Steweyden segeyti premayien me-
11. nisnan.
12. Staesmu poleygo ymmeyts deygi
13. sten kelkan, postan bitans ydi,
14. dinkauczt bhe daits swaymans
15. maldaysimans bhae bilats, ymmay-
16. ti stwen bhe puieyti wyssay istesmu,
17. Sis kelkis aest stae neuwenen Testa-
18. menten en mayiey kraeuwiey, ka
19. per wans praliten wirst, prey et-

1. werpsennian griquan, Stewidan
2. segeyti kudesnammi joes puietti
3. prey mayian minisnan.

Catechismus ~ Prūsiskai II (1545)

Catechismus ~ Prūsiskai
II (1545)